CYFARFODYDD 2014
Mae gennym bedwar math:
- y cyfarfodydd diwylliannol arferol ar nos Fercher ola’r mis. Tâl mynediad: £1
- y cyfarfodydd dathlu arbennig – Gŵyl Glyndŵr a Chofio Llywelyn
- y cylch trafod llyfrau (Cyfeillion Eban) – ar drydedd nos Fawrth y mis. Ni fydd pwys ar neb i agor y mater na chyfrannu os nad ydynt yn dymuno, ac nid oes tâl aelodaeth, ond derbynnir cyfraniad at y lluniaeth.
- yn dilyn llwyddiant y diwrnod arloesol AR WIB TRWY HANES CYMRU ym mis Hydref 2013 trefnwyd cyfarfod BE NESA? i ddechrau ac yna dri chyfarfod i edrych yn fanylach ar gyfnodau allweddol yn hanes ein gwlad – “Ein Gwir Hanes”. Fe’u trefnwyd ar ddyddiau Sadwrn, 10.30 – 2.30. Mynediad am ddim, paned am ddim ond gofynnwyd i bawb ddod â thamaid o fwyd.
18 Ionawr
BE NESA? EIN GWIR HANES (2) Y ffordd ymlaen i gynorthwyo’r safiad yn erbyn dadfeiliad y Gymru Gymraeg. Bedair blynedd ers trychineb canlyniadau’r Cyfrifiad mae sefyllfa ein hiaith yn ei chadarnleoedd yn dal i waethygu. Beth allwn ni ei wneud? Siaradwyr: Dr Simon Brooks a Dr Richard Glyn Roberts. Cyflwynwyd rhai syniadau ganddynt yn seiliedig ar gynnwys eu hysgrifau mewn llyfr diweddar: Pa beth yr aethoch allan i’w achub? a olygwyd ganddynt. (Gwasg Prifysgol Cymru). Llywydd: Geraint Jones
26 Chwefror
Dr Geraint Tudur: DYDDIADURON HOWEL HARRIS o flwyddyn ei dröedigaeth yn 1735 hyd at ei farw yn 1773. Darlith ar achlysur trichanmlwyddiant geni Howel Harris (1714-1773), un o arloeswyr y Diwygiad Methodistaidd, un a ddenai ddeng mil o wrandawyr, ac un y teflid tyweirch a cherrig a baw ato weithiau i’w rwystro rhag pregethu. Yn ôl yr hanes bu ugain mil (20,000) o bobl yn ei angladd yn Nhalgarth yn 1773. Gwasanaeth hollol fud ydoedd gan fod y gwŷr eglwysig dan ormod o deimlad i fedru torri yr un gair.
8 Mawrth
EIN GWIR HANES (3): Brad y Llyfrau Gleision 1847 a’r effaith ar feddylfryd y Cymry hyd heddiw. Siaradwyr: Eryl Owain, Dr. John Glyn a’r Dr. Gwawr Jones
26 Mawrth
Wil Aaron yn cyflwyno’r glasur o ffilm: Tir na n-Og.
30 Ebrill
Geraint Jones. Testun: John Preis. Roedd llyfr anfarwol Geraint Jones am y crwydryn anfarwol ar werth (£10). Oherwydd poblogrwydd y testun a’r siaradwr trefnwyd y cyfarfod hwn yn Neuadd Bentref Trefor, a oedd yn orlawn y noson hon. Llywydd y noson oedd Emlyn Richards. Am ragor o fanylion gweler y Catalog.
14 Mai
Darlith Flynyddol Canolfan Hanes Uwchgwyrfai. Dr Robert Rhys o Academi Hywel Teifi, Abertawe: D.J. Williams, Abergwaun. Mynediad £3.
17 Mai
Y Prifardd Cen Williams: Taith yn ne-ddwyrain Môn dan ei arweiniad.
14 Mehefin
EIN GWIR HANES (4): Rhai o’r gwirioneddau am Gymru a’r Rhyfel Byd Cyntaf. Siaradwyr: Pryderi Llwyd Jones, Harri Parri, a Geraint Jones
12 Gorffennaf
Elfed Roberts: Taith yn Ardudwy dan ei arweiniad.
12 Medi
GŴYL GLYNDŴR
Darlith Dr Rhys Evans, Adran Newyddion BBC Cymru, Caerdydd ac enillydd gwobr Llyfr y Flwyddyn 2006 am ei gofiant i Gwynfor Evans. Llywydd: Dafydd Wigley. Tâl mynediad: £2.
24 Medi
Y Prifardd Cen Williams yn CYFLWYNO EI FRO “O Landegfan i Lanfair” trwy gyfrwng lluniau ar y sgrin fawr. Llywydd: Y Cynghorydd Lewis Davies, Ynys Môn. Tâl mynediad: £2.
18 Hydref
EIN GWIR HANES (5): Oes y Tywysogion: Teyrnasiad Owain Gwynedd 1137-70 Siaradwyr: Y Prifardd Ieuan Wyn, Howard Huws a Dawi Griffiths
29 Hydref
Dr Huw John Huws: “Thomas Charles o’r Bala, yr addysgwr (1755-1814)”
26 Tachwedd
Lluniau a sgwrs gan Bedwyr Rees, Cwmni Rondo Media: “Trysorfa o Enwau Arfordir Môn”
12 Rhagfyr
COFIO LLYWELYN. Dwy sgwrs: Geraint Lloyd Owen a’r Prifardd Ieuan Wyn: “Gerallt a Chilmeri”.
CYFEILLION EBAN (Cylch Darllen y Ganolfan): Trydedd nos Fawrth y mis am 7 o’r gloch. Dim tâl mynediad ond disgwylir cyfraniad at y paned.
21 Ionawr Dwy soned, dau rigwm a dwy ysgrif o waith T.H. Parry-Williams.
18 Chwefror Crwydro Llŷn ac Eifionydd (Gruffudd Parry)
18 Mawrth Y Briodas (Rhan gyntaf o drioleg y nofel Cwm Hiraeth gan Rhydwen Williams)
15 Ebrill DAU GYWYDD yr un gan Gerallt Lloyd Owen a Dafydd ap Gwilym
20 Mai Y Cofiant Gronwy ddiafael, Gronwy ddu (Alan Llwyd)
17 Mehefin Tair Drama Fer (W S Jones)
21 Hydref Tuchan o flaen Duw yng nghwmni’r awdur, Aled Jones Williams.
18 Tachwedd Mab y Bwthyn (Cynan).
16 Rhagfyr William Jones (T. Rowland Hughes)
GARDDIO
Byddwn yn anelu at fore Sadwrn cyntaf y mis o Chwefror hyd at fis Tachwedd gan ddibynnu ar y tywydd. (O 9 tan hanner dydd. Ceir te ddeg.) Croeso cynnes i wirfoddolwyr newydd ond fe’u cynghorir i gysylltu ymlaen llaw rhag ofn y bydd y trefniadau wedi eu newid. (01286 660 655)
7 Mehefin Trefnwyd bore garddio yng nghwmni dysgwyr.